Wanderlust (已結業)

听闻铜锣湾楼上开咗间好靓嘅花花蝴蝶餐厅🦋钟意打卡嘅我嘅即刻去咗，周围布置都好繁花似锦🌹喺边度影相都咁靓，另外估唔到嘢食都好特别。🌱Padthai style gnocchetti sardi with bacon呢个系泰式金边粉嘅味道，但系用上意大利嘅gnocchetti，调味啱啱好而且唔辣，好有特色。💫VELVET GOLDMINE紫醉金迷呢个超级靓呀，上面有不同嘅食用花，下面有紫薯杂菌意大利饭，成个饭都系紫色，一拎上嚟好似件艺术品咁。仲有芝士大虾同埋青口，意大利饭只有淡淡嘅紫薯味，整体系好食嘅。👼🏻The Fallen Angel推介打卡必嗌🤣有一个好浮夸嘅羽毛加月亮座，上面就系放咗皇冠嘅三层士多啤梨pancake🥞 pancake松软加埋士多啤梨酱系一个好食嘅甜品，不过都几饱。💜芋香紫米露奶昔紫色奶昔再加一个粉红色嘅天使翼同埋侧边嘅蝴蝶结，成件事好少女心。饮落去系淡淡嘅紫米露味道，食到有芋头但系芋头味唔系咁出。🍌香蕉朱古力奶昔呢杯嘅装饰系走可爱装饰仲有只鸭仔棉花糖喺上面，朋友话香蕉朱古力都几好饮。