明道

营业中

休息中

天气极度炎热，行行吓街都热到好似游完水咁，最岩就揾返间店坐下饮下野chill 下。咁就揾到铜锣湾既居酒屋，有串烧有火锅有酒饮，咁样先有返生活既模样。呢度环境整洁，冷气充足，夏天条街三十几度都唔觉热。一开波就梗系叫返杯冰冻既啤酒同串烧先啦烧青椒 - 唔系尖椒，所以唔辣既，好清新好开胃烧鸡肝 - 味道香浓，口感特别厚切牛舌 - 烧完都仲咁厚，仲要爆晒汁烧鸡肾 - 大大粒，十分惹味烧鳝啖啖肉，外层好脆，鱼肉又好爽口食完串烧就梗系到主菜Shabu shabu啦样样海鲜都系即叫即切，劲新鲜！有蚝，虾，带子，鲍鱼同埋大蚬，只只size 十足，冇渣流滩！蚝熟左都好大只，好鲜甜。和牛雪花超靓！煮完配上芝麻酱味道更加丰富加上浓郁既牛味配搭，系炎炎夏日都会冇咁腻。最开心系食完火锅仲会用返个汤底黎做返个粥，本身就吸晒啲海鲜同和牛既精华，劲鲜甜。