霸嗎拉麵 (金巴利道) (裝修中)

请左一日假，睇完玩具展，去完GU，两个百无聊赖既友仔不停谂食咩好。时间尚早，好多排队店都未出现人龙，难得唔洗排，梗系要去食人气拉面啦!（注意，排队系要排系斜坡既，企得耐都唔舒服）霸吗气氛好好，甚至比日本大型少少既拉面铺更有日本feel。（咁先开到系尖沙咀旺位既⋯）朋友叫既拉面，鸡汤拉面比较少见，算系尝新。鸡叉烧煎过下，焦香脆口不会柴。鸡汤比较淡同稀，同一般猪汤底相差甚远，不适合想食浓汁挂汤既朋友。图中可见，浓郁到略似汤羹，拉面拉起仲有一堆汤汁挂住，拍得住沾面。汤底浓郁，但与一般拉面铺（一兰之类）唔同，冇猪油浮面，完全捞左落个汤底到。索索声食十分过瘾味玉完整一大粒，咬开系流心既。叉烧炙烧过，多了一重口味，减少油脂。代价系唔会入口即溶，不过又香口左好多。太干身，辣汁冇咩特别，建议试沙律味可能清新d，搭配番浓郁拉面豚骨汤超好味！朋友都话下次要再黎食豚骨既