Pasta Mio (已結業)

呢间其实系外卖意粉店，所以小店主要系做外卖，而舖外有大概三张枱，手快有位，手慢冇。咁我就拣夜晚黎，冇乜人可以有位坐。我买左团购 -- 自选 Fit Size 经典酱汁意大利粉一客连饮品，包括︰5 种经典意粉惹味酱汁任选。意大利粉的选择有蝴蝶粉、长通粉、贝壳粉、意粉及螺丝粉等。至于酱汁选择有五款，包括Pomodoro, Arrabbiata, Chicken, Bolognese & Melanzana。我就拣左鸡汁味蝴蝶粉，只得鸡汁味先至有肉，其余的酱汁冇肉。细细个盒载住D意粉，意粉面放左好多芝士粉，芝士粉捞埋D鸡汁味一齐食特别香。鸡汁味有好浓的蕃茄味，汁中仲带少少辣都算几好味。酱汁份量尚可接受，亦都系成个意粉的灵魂，否则蝴蝶粉冇味。食到差唔多底都仲有唔少汁，如果D酱汁稠少少会更好。饮品方面得汽水，如可乐、七喜、玉泉等。下次再拣左其他的意粉种类同酱汁先。