漢堡佬 (已搬遷) 新店位置

突然好想食汉堡包， 所以我用咗UBER EAT叫咗汉堡佬嘅外卖。今日我叫咗一个铁板鸡软骨同流心蛋牛肉汉堡。两样食品嘅味道系差天共地，所以我都唔知话汉堡佬系好食定系好难食。三重芝士流心蛋牛肉汉堡首先要赞一赞呢， 个流心蛋牛肉汉堡系几好食嘅。佢出色在块包皮，口感外脆内软，而且包上面啲芝麻好脆同好香。加埋佢中法间嘅牛肉同配料，成个包嘅整体感觉系好得嘅。不过我上网睇人话系手打牛肉，牛肉都多汁同软嘅，但就冇咩牛味。入面嘅蕃茄、青瓜、洋葱都几好食，又唔算好重酱汁味。系好评嘅铁板炒鸡软骨呢一个真系食到怀疑人生，如果食晒一定会生肾石。佢咸到苦㗎，我怀疑系落咗无限次言都唔记得，人生未食过一兜咁咸嘅嘢。入面有少少椰菜同紫洋葱🧅，都系喊到怀疑人生。我攞嚟配自己带嘅私家饭，都食唔落啲鸡软骨。最后为咗我嘅健康着想，系成兜放弃咗。佢份量唔算少，但真系食多粒都迈进生命嘅尽头近一步。所以我觉得汉堡佬嘅汉堡包系可以食，但今日第一次挑战佢嘅小食鸡软骨系严重地失败，你俾机会我食咗人生最咸嘅一个𩠌。食风干火腿都冇佢咁咸。