泓一拉麵

营业中

休息中

半年前第一次嚟果阵咁啱撞正餐厅装修，食唔到，所以特别挂心😶。今次特登睇埋佢FB，确定圣诞假期有营业，同埋午市有鸡白汤先出发🤓。12点15到达，门外已经有7位客人排队等候。本身见人龙唔长，仲以为好快有得入，点知….结果等左70分钟….😣柯打后等多10分钟，拉面终于嚟到我面前😭鸡白汤 $98呢个拉面卖相真系好靓😲，面头D泡泡好加分，虽然几油，但鸡味真系几浓🙊。可能因为我先试鸡味浓郁嘅泡泡，所以令之后饮嘅汤无乜鸡味🤔。配料有一块豚肉同一块鸡肉，前者普通、无记忆点，后者湿润、松软，而且有淡淡嘅烟熏香，几特别。溏心蛋煮嘅时间啱啱好，流心蛋黄，可惜无乜蛋香，而且亦无酱油香😐。面量偏少，而且生洋葱同大葱放太多，好抢鸡味。海老沾面 $98拉面系厚扁有麦粒嘅拉面，拣左硬面，食落有口感。个虾汤唔会好咸，食完唔会好口渴，但略嫌糖落多左，甜味太出；由于个拉面系冻嘅，个热汤好快比佢整冻左，所以会越食越油腻🙉。由入座到食完离场用左35分钟，店内只有7个位，3位职员。当日星期日，下午2点后人龙更长😯。值唔值得排队真系见人见志。