樂面牛屋 (已結業)

又响铜锣湾附近揾野食， 呢间餐厅一入去就好有好感。朋友五个月怀孕，佢好似望到咁样。叫朋友唔好咁辛苦行入入面坐。到我地叫牛肉面既时候又提醒我地系辣既。跟餐既前菜有竹笋，青瓜同埋芽菜仔。跟餐嘅仲有肠仔或者花枝丸拣。我哋拣咗花枝丸，入边有一粒粒嘅花枝。主菜红烧牛肉面出场。有三大片牛肉，全部都已经悯到林晒，唔会有黏牙嘅感觉。跟餐仲有珍珠奶茶，今日㨂左绿茶底。但叫一个红烧牛肉面要＄70 ,叫一个餐系＄118。如果大家想有野饮又有小食的话叫套餐会抵好多。最欣赏呢类风格嘅小店，虽然佢冇茶餐厅咁多元化，但系厨师可以专心做好一个面，反而食客会更加满足。最后提提大家呢间餐厅收晚上九点钟想食就要趁早啦。