王幺妹黔川米線 (已搬遷) 新店位置

每次去红馆睇演唱会都会先系黄埔街附近医饱个肚先入场, 今日我同老婆都唔例外, 收工直接约系黄埔街等, 再揾下食乜东东。我地系街头近理大宿舍位置见到呢间王幺妹黔川米线, 老婆好钟意食米线, 而且贵州米线我地都未试过, 所以我地决定坐底试试。😁餐厅好细间, 枱唔多, 我地点餐时仲未到7点, 不过已经坐满客人, 大部分食客都好年轻, 似系住系隔离宿舍嘅大学生。我地坐左系近门口位置, 米线款式都好多, 不过老婆唔食得太辣, 所以我地点嘅食物都系要小辣, 点左一碗家乡蒜泥白肉米线, 一碗羊肉粉, 另外点左两个小食, 两个人应该够食。😙家乡蒜泥白肉米线 $37贵州米线比平时食的云南米线烟韧, 富有弹性, 吸满汤汁非常惹味, 由于我地要小辣, 所以唔会太辣, 汤底味道香浓, 配料丰富, 蒜泥白肉油脂丰富, 入口溶化, 而且蒜味浓郁, $37好抵食。👍正宗遵义风味羊肉粉 $58呢款遵义风味羊肉粉汤底酸辣香浓, 米线都系探用贵州米线, 羊肉软腍入味, 肉份量都好多, 老婆都赞好食。😋凉拌黄瓜 $20青瓜好爽脆, 酱汁唔会好油腻, 微辣, 好醒胃。凉拌猪耳 $30老婆好钟意食猪耳, 呢客猪耳份量好多, 猪