茶久

营业中

休息中

今日去咗红磡探朋友, 谂住买啲嘢饮上去, 见到呢间台式饮品店～买左一杯菠萝爆柠冰茶加椰果同一杯葡萄爆柠冰茶加雪梨冻冻! 佢嘅包装系铁汽水罐, 都几特别! 菠萝爆柠冰茶, 菠萝味都几出, 又唔会盖过个茶底味, 仲有一丝丝嘅菠萝肉添, 我地加左椰果好有咬口, 几好饮! 成个感觉好清新, 好消暑, 夏天饮啱晒!葡萄爆柠冰茶, 都有浓浓嘅提子汁味, 虽然冇提子肉喺入边但系都几好饮, 唔会有药水味～ 感觉好天然! 我哋加咗雪梨冻冻, 好似啫喱咁几夹几好饮!而家买嘢饮仲记得有刮刮乐杯套送!有机会可以任拣一杯免费饮品, 或者有$5即用现金卷, 同满$50-$10添!