影片
更多
2023-04-05
966 浏览
📌 Fame Deli - 红磡崇洁街47号地舖🗓(4/4) 星期二 ⏰ 晚上6:30左右 💈特式：因为住得近，所以差唔多每日都会经过，有曾经试过佢地嘅早餐，整体唔错，今晚咁啱谂唔到食咩，所以就堂食试埋佢地嘅晚餐。🥩🍔🌭🌮🥗🥯🥘🍲🍝🍣🥟🍤🍱食物：今日叫左一个扒比目鱼扒同一个加拿大顶级AAA牛肉眼扒，晚餐系会包埋餐包/餐汤或沙律/餐饮/甜品，而家等我同大家讲下🍽味道先。餐包/餐汤 - 餐包就系蒜蓉多士，都几脆口，蒜蓉味重，同埋佢地会翻热先上枱，所以香味更浓又热辣辣；餐汤今日就系南瓜汤，但南瓜味唔重，而且个汤上枱只系暖暖地，个餐包都热过佢。扒比目鱼扒配薯菜 - 个比目鱼扒份量就几大块，鱼皮煎得够脆，但略嫌鱼肉做得唔够干身，鱼肉太湿有少少影响口感；薯菜系红萝卜/煎过嘅翠肉瓜同茄子/薯蓉，配菜反而值得一赞，做得仲好过份主菜，翠肉瓜同茄子新鲜又煎得香口，薯蓉做得够creamy软滑。加拿大顶级AAA牛肉眼扒 - 呢块牛扒都算厚身，size都大块，有肉味，不过我order左5成，佢上枱起码有7~8成熟，所以口感又硬又靭又鞋，感觉浪费左块唔错嘅扒，同埋变得唔值$238。甜品 - 甜品有两个选
🗓(4/4) 星期二 ⏰ 晚上6:30左右
💈特式：因为住得近，所以差唔多每日都会经过，有曾经试过佢地嘅早餐，整体唔错，今晚咁啱谂唔到食咩，所以就堂食试埋佢地嘅晚餐。
🥩🍔🌭🌮🥗🥯🥘🍲🍝🍣🥟🍤🍱
食物：今日叫左一个扒比目鱼扒同一个加拿大顶级AAA牛肉眼扒，晚餐系会包埋餐包/餐汤或沙律/餐饮/甜品，而家等我同大家讲下🍽味道先。
餐包/餐汤 - 餐包就系蒜蓉多士，都几脆口，蒜蓉味重，同埋佢地会翻热先上枱，所以香味更浓又热辣辣；餐汤今日就系南瓜汤，但南瓜味唔重，而且个汤上枱只系暖暖地，个餐包都热过佢。
扒比目鱼扒配薯菜 - 个比目鱼扒份量就几大块，鱼皮煎得够脆，但略嫌鱼肉做得唔够干身，鱼肉太湿有少少影响口感；薯菜系红萝卜/煎过嘅翠肉瓜同茄子/薯蓉，配菜反而值得一赞，做得仲好过份主菜，翠肉瓜同茄子新鲜又煎得香口，薯蓉做得够creamy软滑。
加拿大顶级AAA牛肉眼扒 - 呢块牛扒都算厚身，size都大块，有肉味，不过我order左5成，佢上枱起码有7~8成熟，所以口感又硬又靭又鞋，感觉浪费左块唔错嘅扒，同埋变得唔值$238。
甜品 - 甜品有两个选择，木糠布甸同雪榚，因为雪榚系coco berry其下品牌，所以我一定唔会拣，要左木糠布甸，味道就一般般，唔特别好食。
☕️🍵🥤🧋🍺🍷🥃🍹🧉🍾🍶🥛
饮品 : 跟餐可以拣普通热饮，加$3蚊可以转冻饮或者即磨咖啡，仲可以加唔同价钱转不同特饮，我地就只系叫左热即磨咖啡同冻柠茶，质素正常。
🍽环境：餐厅环境都有用心装修同布置，但室内环境同坐位就偏塞，但又不致于坐得唔舒服，卫生方面都做得ok。
🤵🏻🤵🏻♀️🤵🏻♂️服务：员工服务真心唔错，可能因为系自己生意，所以每位店员都好有礼貌好细心，落完单亦会清楚复述一次，见到方面唔够位亦会尽快收碟等等。
💰💸价钱：叫左两个晚餐，埋单就$362蚊，呢个价钱系呢条街价位系有少少偏高，再加上食物唔算好高质，所以我整体觉得佢价格算偏贵。
🐲💬总结：我谂我都系会帮衬返佢地d早餐，但午/晚餐附近仲有更多其他好嘅选择。
推荐指数：❤️❤️❤️🤍🤍
扒比目鱼扒
$118
30 浏览
0 赞好
0 留言
加拿大顶级AAA牛肉眼扒
$238
35 浏览
0 赞好
0 留言
35 浏览
0 赞好
0 留言
47 浏览
0 赞好
0 留言
60 浏览
0 赞好
0 留言
木糠布甸
56 浏览
0 赞好
0 留言
张贴
