影片
更多
2022-12-12
604 浏览
📌 金沙小厨 - 红磡崇洁街12号地舖🗓(12/12) 星期一 ⏰ 晚上6:30左右 💈特式：呢间隐世嘅小厨，我返屋企成日都会经过，但可能佢门面唔系好起眼，所以开业近10年，Openrice都系得5个评论，所以除左熟客都无乜人识去寻觅佢嘅美食。🥩🍔🌭🌮🥗🥯🥘🍲🍝🍣🥟🍤🍱食物：因为冬天佢地推出左羊腩煲，我早几日已经帮衬过一次，因为真心好好食，所以今日特登要带另一个朋友起去食，等我同大家讲下🐐味道先。古法羊腩煲 - 佢个羊腩煲卖$288，仲会包埋一大碟生菜，虽然出面多数都有包生菜，但佢呢度生菜嘅份量起码系平时嘅两倍。另外，讲返个羊腩煲味道真系一绝，味道香浓得嚟又唔咸，我最尾系连所有汁都当汤饮埋，羊腩炆得够淋，就连佢切得比较大旧嘅肉都系炆到好淋，皮又有咬口，仲要食得出系用正宗黑草羊，入面配料仲有冬笋/冬菇/马蹄/炸支竹等等。菠萝咕噜肉 - 今次叫多个常见嘅小菜试埋，朋友对呢个小菜赞不绝口，话下次再嚟一定要再叫呢个，佢地用嘅唔系圆辘辘有骨嘅排骨，系用无骨嘅猪扒，炸粉唔厚，但好香脆。晚市仲会有糖水送，我刚刚食呢两次都系送腰果露，真系做得比坊间嘅糖水舖仲更加好，好香浓腰果味又唔甜。☕️🍵🥤🧋
🗓(12/12) 星期一 ⏰ 晚上6:30左右
💈特式：呢间隐世嘅小厨，我返屋企成日都会经过，但可能佢门面唔系好起眼，所以开业近10年，Openrice都系得5个评论，所以除左熟客都无乜人识去寻觅佢嘅美食。
🥩🍔🌭🌮🥗🥯🥘🍲🍝🍣🥟🍤🍱
食物：因为冬天佢地推出左羊腩煲，我早几日已经帮衬过一次，因为真心好好食，所以今日特登要带另一个朋友起去食，等我同大家讲下🐐味道先。
古法羊腩煲 - 佢个羊腩煲卖$288，仲会包埋一大碟生菜，虽然出面多数都有包生菜，但佢呢度生菜嘅份量起码系平时嘅两倍。另外，讲返个羊腩煲味道真系一绝，味道香浓得嚟又唔咸，我最尾系连所有汁都当汤饮埋，羊腩炆得够淋，就连佢切得比较大旧嘅肉都系炆到好淋，皮又有咬口，仲要食得出系用正宗黑草羊，入面配料仲有冬笋/冬菇/马蹄/炸支竹等等。
菠萝咕噜肉 - 今次叫多个常见嘅小菜试埋，朋友对呢个小菜赞不绝口，话下次再嚟一定要再叫呢个，佢地用嘅唔系圆辘辘有骨嘅排骨，系用无骨嘅猪扒，炸粉唔厚，但好香脆。
晚市仲会有糖水送，我刚刚食呢两次都系送腰果露，真系做得比坊间嘅糖水舖仲更加好，好香浓腰果味又唔甜。
☕️🍵🥤🧋🍺🍷🥃🍹🧉🍾🍶🥛
饮品 - 食得羊腩煲都系想保暖，但又惊燥，咁就梗系叫返支啤酒啤啤佢啦。
🍽环境：餐厅室内位置唔算多，只有5~6张4人圆枱，环境同装修都比较旧，但都算干净企理。
🤵🏻🤵🏻♀️🤵🏻♂️服务：职员态度都几亲切，但楼面得老板娘一个就好似有d忙，另外可能真系做开熟客，见佢同其他客人都好熟落。
💰💸价钱：今日叫左一个羊腩煲，一个咕噜肉，两支啤酒，埋单都系$450左右，我就觉得抵到震，咁嘅价钱食到私房菜嘅味道，真系超值，净讲个羊腩煲，呢个价钱出面未必揾到咁好食。
🐲💬总结：我因为住附近，所以长期都会帮衬，尤其系而家食羊腩煲嘅季节，我一想食羊腩煲就一定系去呢间，希望我介绍完之后唔会搞到我自己要排队先有得食啦。
推荐指数：❤️❤️❤️❤️❤️
古法羊腩煲
$288
30 浏览
0 赞好
0 留言
古法羊腩煲
$288
16 浏览
0 赞好
0 留言
菠萝咕噜肉
$88
27 浏览
0 赞好
0 留言
张贴
