すき焼 森 (歌賦街) (已搬遷) 新店位置

阿京最近去左歌赋街嘅寿喜烧店庆祝纪念日，早到少少，但餐厅都畀我地坐住等，等师傅完成佢本身台客就帮我地烧。环境舒适，员工亲切，呢样抵赞！菜单一定会点返牛肉做主菜，另外加左牛舌。一开始就有个清新嘅精致前菜，为之后嘅浓味盛宴准备一下😜呢个餐有牛肩同西冷，师傅会将肉同菜分成不同次序。首先，他们会煎牛肉，微微上色就上碟，我地可以再点蛋汁食或者连埋饭食（饭可以无限添😋）。食完浓味嘅牛肉，就会间隔畀d蔬菜清一清口腔，再食其他部位。阿京特别钟意食个洋葱，入哂味！仲有阿京最爱嘅牛舌😍食完哂所有嘢之后，师傅仲会做个滑蛋牛肉饭畀我地食，食到呢度其实已经好饱，所以我地都无话到要多饭。今次已经系阿京第二次去食呢间餐厅，用餐体验同品质都仲keep到水准，非常适合纪念日嚟食。