鐵板超

营业中

休息中

同男朋友周年纪念日，佢竟然带我黎呢间高级铁板烧食好西，劲惊喜！我地两个叫左个两人前嘅R餐。前菜系沙律同芥末生八爪鱼，清爽新鲜；仲有芝麻鱼仔，调味好正好香口。之后铁板烧师傅show俾我地睇即将会烧嘅食材，全部都好生猛！南非活鲍鱼仲keep住郁添～经过师傅嘅巧手烧制，即刻化身为口中嘅美味，口感爽脆，令我地印象十分之深。烧大海虾更加犀利。师傅嘅铁板神功出神入化，系铁板度帮虾剥壳，烧到啲虾膏香味四溢，之后品尝果然肉质弹牙，虾膏更出色。我地拣咗法国鹅肝，配搭多士同菠萝食，仲点缀咗啲义大利黑醋，完美balance咗鹅肝嘅肥，心思巧妙。仲有日本A4和牛都不得了，师傅烧紧已闻到飘香，同香脆蒜片同食，我同男友都赞不绝口。师傅仲炒咗个虾干蟹子炒饭比我地，果然铁板度炒锄犁嘅饭更加粒粒分明，好好食。季节野菜都正爆，尤其系个莲藕，爽脆又有铁板烧嘅独特风味。除此以外，炒杂菜同蚬汤都好味，仲有个雪糕送添！最令我地叹为观止嘅系师傅系我地食饱之后问我地想画咩公仔同字，之后竟然徒手系铁板度画咗出黎，我地实在系佩服！好多谢师傅之后耐心帮我地影相，wrap up咗好开心嘅一餐。