泰國人海南雞 (弼街) (已結業)

同Honey睇完早场，纯粹想揾个地方食啲嘢，所以就入咗去喇！见有其他食客食紧海南鸡饭，但卖相一啲都唔吸引，所以我地决定叫其他嘢食。个名我唔系太记得喇！只系记得大约个名︰1) 海南鸡金边粉（汤）- 好难食，鸡冇鸡味不特只，金边粉煮得唔够透，有少少硬身，觉得好『顶住个胃』所以食咗一半已经冇食。2) 海南鸡金边粉（捞）- Honey叫嘅，我都试咗一啖。我地两个一致觉得好淡，冇味，有嘅只系得啲花生味而已。Honey都话佢果份鸡又系冇鸡味嘅。Very BaD... 两个都系餐加$3蚊有嘢饮，我要咗青柠XX, 而另一杯叫罗望子。反而饮品比食物好些少(((只系些少)))，果杯青柠XX，其实类似咸柠七而已。罗望子 - Honey放胆叫嚟一试，佢就普通钟意。反而我试咗一啖就觉得几好。因为本人偏爱酸酸地嘅饮品。以一个午餐$42蚊，而且又咁难食㖞！个人真系觉得好贵好贵。