夏雪 (已結業)

终于有机会出去抖下气，唔驶困住系屋企。因此，要食啲好野奖励一下自己。我去左大围一间叫夏雪既cafe，系大围站行过去5分钟度就到。利申：本身读大学个阵已经有去开佢西环间分店度食waffle。今次想试下大围呢间。cafe内面劲有文青feel，亦都有唔少后生仔女坐系度饮杯coffee 吹下水，个气氛同格调都唔错。我地叫左一个忌廉芝士窝夫配沙律，要左牛油果同烟三文鱼 (HKD 80)同埋全日窝夫早餐 (HKD 108)。个忌廉芝士窝夫系咸咸地，有别一般甜既窝夫，味道几特别，做brunch其实都真系唔错。佢地好细心咁将啲牛油果切成一片片咁方便食。个烟三文鱼都好整齐咁伴碟，味道算系几鲜甜。整个卖相唔错，颜色丰富。跟住黎既就系all day breakfast，材料都几丰盛。有香肠，炒啡菇，烟肉，茄汁豆，忌廉芝士窝夫同炒蛋。香肠同烟肉整得好好，咬落去好稔，味道又唔错。个啲啡菇都算大块，炒蛋就又香又滑。虽然今次系咸食为主，但都好好味，同佢既主打甜食一样咁出食👍🏻