影片
更多
2014-06-23
1772 浏览
年年谂细佬生日饭都比较烦，因为佢份人口味比较守旧，就算食中菜亦未必样样啱佢口味，但有啲西菜佢又钟意食，真喺好难捉佢路。早前去过一趟沙嗲王，知道佢哋以菜式多元化、多国化见称，中、西、越、泰、意、法、葡、日样样都有，所以，带埋屋企人嚟试试。我哋真喺嚟得早，6:00pm喺完全唔使等位，但食完到8:00pm时段，门口企满晒人，夸张少少讲句，等䢂都有啲困难。室内环境又喺一片阿拉伯风情，虽然位处旺角租金高昂地段，但估唔到枱櫈排得又唔算逼，地方都算得上阔落；而天花又挂有唔少别致嘅吊灯，墙身又有啲手绘图案，令人觉得少份拘束。枱面张餐纸有个「Top 10」介绍，据知个白咖喱香茅猪扒饭晌店内确喺有啲名气，不过，连个烟肉菠萝鲜茄酱酥皮薄饼都喺，喺咪咁坚呀？结果，就从「Top 10」中拣咗其中4样，再由屋企人晌主餐牌拣多几款嘢食，见惠顾任何食品（$29或以上），都有饮品半价优惠，又无理由唔嗌埋嘢饮啫。蒜蓉牛油鸡翼 $36一客4只，啱啱好够我哋分，唔使争唔使抢。鸡翼呎码够晒大件，外层炸得非常香脆，不过，似KFC啲炸鸡㖞，蒜蓉及牛油味都稍弱。椒盐脆豆腐 $29 / 4件，$45 / 8件个椒盐脆豆腐好得，豆腐食落
我哋真喺嚟得早，6:00pm喺完全唔使等位，但食完到8:00pm时段，门口企满晒人，夸张少少讲句，等䢂都有啲困难。室内环境又喺一片阿拉伯风情，虽然位处旺角租金高昂地段，但估唔到枱櫈排得又唔算逼，地方都算得上阔落；而天花又挂有唔少别致嘅吊灯，墙身又有啲手绘图案，令人觉得少份拘束。
枱面张餐纸有个「Top 10」介绍，据知个白咖喱香茅猪扒饭晌店内确喺有啲名气，不过，连个烟肉菠萝鲜茄酱酥皮薄饼都喺，喺咪咁坚呀？结果，就从「Top 10」中拣咗其中4样，再由屋企人晌主餐牌拣多几款嘢食，见惠顾任何食品（$29或以上），都有饮品半价优惠，又无理由唔嗌埋嘢饮啫。
蒜蓉牛油鸡翼 $36一客4只，啱啱好够我哋分，唔使争唔使抢。鸡翼呎码够晒大件，外层炸得非常香脆，不过，似KFC啲炸鸡㖞，蒜蓉及牛油味都稍弱。
椒盐脆豆腐 $29 / 4件，$45 / 8件个椒盐脆豆腐好得，豆腐食落先嚟一层薄薄嘅「脆皮」，跟住喺十分嫩滑嘅豆腐，椒盐味又做得似样，热辣香口，意外咁好食。
北海道芝心饼 $41 / 2件，$23 / 1件上次试过已觉得好食又有心思嘅小食，所以推介俾屋企人。芝心饼外层香脆，入口烟糯，内里喺绵绵溜溜嘅北海道牛乳芝士，既香且滑，淡淡牛乳香，配合埋芝麻粒、紫菜碎，有层次，有口感，正！
烟肉菠萝鲜茄酱酥皮薄饼 $32知道细佬一向钟意食薄饼，一口气点咗两个，因为知道依度嘅薄饼好细件，喺「６吋」厚批，相信我哋食得晒。个酥皮薄饼依然超松脆，烟肉亦落得唔少，可是菠萝及鲜茄酱唔多突出，虽然，贵为「Top 10」，但食落唔错嘅，都几好味，只喺又唔可以话好太特别。
娘惹咖喱辣牛酥皮薄饼 $35反而依个新推出嘅咖喱辣牛好食啲，其实已喺第二次食，特意介绍嘅，微辣惹味嘅娘惹牛肉，单单配衬丝丝溶掉嘅芝士，味道上已经好有惊喜，值得一食再食！
白咖喱香茅猪扒饭 $50依个就真喺不负「Top 10」之名，虽然唔喺话好食到晓飞，但啲咖喱又确喺煮得香浓，又带有淡淡椰香，少少辣，好有个性；而香茅猪扒亦够晒入味，充满香茅芳香，肉质又松软，食得叫人滋味。
鱼籽海鲜炒饭 $64依个饭亦喺新产品，啲鱼籽细细粒黐晌啲饭粒度，其实味道及口感都唔太突出，不过，个炒饭本身都几好食，饭粒挺干身，唔太油，又有唔少配料，如虾仁、鱿鱼、鱼肉，仲有只煎荷包蛋，笃穿只蛋，捞匀啲蛋浆仲好食。
上面都讲过饮品有半价优惠，连一向多数餐饮只拣热柠水嘅老婆，都拣番杯贵嘢。我就更加唔使讲啦，有新嘢试新嘢，无新嘢都拣杯特别啲架啦。
鲜芒椰汁西米 $17（半价优惠）鲜芒椰汁系列有5个选择，可以拼啫喱、西米、仙草、红豆、水晶芝麻，定价都喺$34。细妹拣嘅鲜芒椰汁西米，当然无餐牌张相咁靓，西米亦都似乎好少。
鲜芒椰汁仙草 $17（半价优惠）小弟就拣鲜芒椰汁仙草，鲜芒果汁应该唔似百份百嘞，因为饮落滑到无渣无纤维，而椰奶欠奉，仙草（凉粉）又少得可怜，原价就真喺唔多抵饮，依家半价就勉强接受啦。
五谷杏仁 $16（半价优惠）其实喺咩嚟？即喺杏霜加五谷，咁五谷又喺乜？即喺脆玄米粒、脆麦片、小麦胚芽、黄豆、原粒脆燕麦，自行将五谷倒入热杏霜当中，好有货真价实嘅感觉，味道有少少似啲即冲麦皮，但就有咬口好多。
冻柠宾 $11.5（半价优惠）细佬要咗杯冻柠宾，如无意外，咁稳打稳扎嘅嘢饮，都应该无咩话题吧！
整体食物唔错，够使多元化，啲嘢细细份，又可以俾人试多啲，怪不得走时门口人山人海，最难得莫过于啱晒细佬口味啦！
张贴
