沙嗲城 (已結業)

本人系一个从来都唔写食评嘅人, 原因系唔喜欢写文章同一个字赖。 不过今次唔写唔得,因为喺一年几前巳经答应咗老板会给他食评,最近老板又问我写咗末,搅到我同我啲同事都唔好意思, 话写话写,写咗成年都未写,所以今次一定要落笔啦!回归正题其实我同我一班同事大大话话都已经帮衬咗有三四年食lunch啦, 每隔一星期我哋都会去帮衬吓, 老板份人好好, 好风趣,好勤力样样都做(一脚踢)。食物方面其实差唔多样样都食过,overall 嚟讲都ok, 价钱都好合理如果唔系我哋点会帮衬咗咁多年呀。直得诚意推介一定系白咖喱,香茅猪扒同炸鱼柳, 真系好好食, 至于生牛可粉味道一般,未至于好差但又未至于好食,主要原因系汤底牛肉味唔够浓但味道都可以, 如果汤底再浓啲味就perfect啦! 其他小吃如越式春卷,炸虾饼同粉包都值得一试。至于刚刚推出的捞通心米线,本人就觉得麻麻啦! 总结味道系过得去嘅, 老板service 喺一流嘅!