PizzaExpress (V City) (已結業)

屯门vcity的pizzaexpress星期五正式开张，星期三晚好开心可以参与开张前的试食活动，仲顺便帮我个妹预祝生日(^_-)呢间pizzaexpress环境俾我感觉好舒适，够晒光线，食野影相唔怕影得唔好睇~~~呢间跟元朗yoho mall一样都系开放式厨房，大家可以睇到厨师点样整pizza~~~今次我地一行四人，所以点咗四个一人餐，可以试两款批和两款意粉我地头盘叫晒四款包，个人最喜欢系磨菇汁果只款，下次约朋友肯定会再encore！卡邦尼意粉不错，但磨菇汁意粉更吸引我~~~~四式芝士pizza唔系好够芝士，有dd㶶，相反忌廉肉肠pizza几好食，对于芝士控人士来讲蕃茄酱多芝士唔够系有d可惜~~~最后有来自意大利的士多啤梨雪糕甜品，味道ok，但如果雪糕有士多啤梨好似哈根大师咁就正啦！不过离开时发生咗个意外，就系笨手笨脚的我被枱脚跘倒跌落地，呢款枱脚可以话系个餐厅设计的败北之处，希望设计餐厅的人下次开其他分店要留意吓！如果三五知已帮衬真系唔错，可以当系聚会的好地方，pizzaexpress 陆续扩张，希望食物质素可以维持到啦！