方太糕品舖

营业中

休息中

小儿最爱吃冇豆砵仔糕，家住鲗鱼涌，一直都揾唔到，同事介绍庙街有间方太糕品做冇豆的。放假同仔去旺角，就撘多个站地铁去买冇豆砵仔。去到果然有，所以买了三个，等佢食到够。另外亦买了芝麻卷，芝麻糕，红豆糕，马豆糕。离开途中，佢已急不及待试食冇豆砵仔，佢话好好味，爽爽韧韧的，不会淋patpat。当晚回家，就同公公一齐消灭其余四款。最好是芝麻卷，好有芝麻香有口感又太甜。红豆也不错，大大粒红豆很有质素，芝麻糕同芝麻卷差不多味道，不过都系芝麻卷得意啲。马豆糕有椰汁味，不过马豆不多，也可以试下。总括糕品时有水准的，而且不太甜。老板娘一家服务也很好，会主动同客人倾计，撩下小朋友，气氛很好。一眼望落店舖清洁干净，对他们的卫生都有信心。下次再过九龙，都会再惠顾，除了冇豆砵仔及芝麻卷，会再试下绿豆糕及千层糕。今次食得太心急，所以忘记影相，唯有以文字代替。