小胖台灣便當 (豐怡中心) (已結業)

同老公在旺角拣完小米手机，在附近食晚餐，见到有间台式餐厅，都要开动了。旺角分店环境开扬，堂食都坐得好舒服，点餐后只要提供枱号就送到你面前，服务唔错。台湾铁路大排骨便当想起台北车站附近的便当，大大碗好够饱。呢个便当有大大块大排骨，其实系猪扒连骨，非常易咬又入味。仲有其他配料，有蛋饼，粉丝，蔬菜，营养丰富。南投红烧牛腩面牛腩粒相当多，腌得入味，唔辣的。汤面的辣度我接受到，你当系某米线品牌十小辣既程度。面质有弹性。虎咬鸡刈包，虎咬猪刈包见刈包都几有趣，叫虎咬刹包都明既，大大个包夹住肉黎食，大口大口咬系好爽既。鸡刹包有鸡蛋，鸡肉嫩滑多汁。猪刈包的腩肉大块又肥美。仲有芫茜，酸菜，花生粉，中和肉的肥腻感。饮品要加钱既，我哋饮半糖珍珠奶茶，珍珠烟韧，开胃既酸梅汁，有青柠，梅，好正。