坐忘 (已搬遷) 新店位置

呢间餐厅一直喺我想去好耐既list入面排左好耐队。今日终于有机会食到而唔系撞到佢地休息。好彩早黎就唔洗点排队好快就安排到入座。猪软骨煮野菜咖哩饭 $75一上枱已经觉得呢间餐厅冇拣错！饭系日本珍珠米，粒粒通明。猪软骨用另外一种汁煮，好有日式酱汁既味道，而且猪软骨系非常软糯，食落啖啖骨胶原咁。咖哩汁亦都香口唔辣，捞埋饭食非常开胃。忌廉汤烤鸡野菌乌冬 $69朋友就拣左汤乌冬，上枱同样真材实料，大大碗！乌冬用上稻亭乌冬，入口就会挂小小汤，唔会食到好重忌廉汁咁，菇应该有炒香过先再落乌冬，鸡肉用上鸡扒位置，入口唔鞋又索左汤既味道。总括嚟讲呢间真系好高水准既餐厅，价钱仲要唔贵，健康，冇味精又多选择。有机会真系要再黎食过。