岡山一番店 (樂富廣場)

营业中

休息中

夜晚7:00嚟到，排咗半个钟队，终于入到去，我觉得个环境比较迫，同朋友嚟食要同人哋搭枱，行出行入都比较迫。排队嘅时候职员会俾我哋菜单先拣咗嘢食，入座前会去到收银处俾钱，途经收银处仲会可以拣嘢饮同埋关东煮，今次冇试关东煮，因为感觉食物嘅种类都唔算好多。同行嘅朋友拣咗最多份量芽菜，而我就拣咗正常份量既芽菜。我哋比较过两碗嘅拉面之后觉得较少份量嘅芽菜嘅汤底会比较好食，少咗浸草青味，而且比较浓郁。拉面同芽菜一齐食比想像中夹，而叉烧嘅份量就得两块，偏薄，口感味道普通。我地仲加咗温泉蛋，温泉蛋唔算话非常之流心，比较肉糖心蛋多啲，我觉得比较失色。但系整体而言个汤底非常之浓郁，平时我都比较钟意食重口味嘅汤底，呢一个都满足到我。虽然冇叫小食同埋关东煮，但系份量都非常之足够，食完之后劲饱。