湖南少奶

营业中

休息中

经常与嗜辣旧同事去试唔同餐厅嘅川菜，但“湖南少奶”地点既非港铁沿线又非核心地段，结果一直冇机会。猷记得上次响另一四川私房菜各自带红白酒🍷🍸与成班嗜辣旧同事丧食。今次得番老板，队住啤酒先🍺茶树菇煲有大量菇仲有四川麻辣腊肉，带有腊肉嘅肥腴味。手撕富贵鸭啲肉干嚡咗啲，主要食带鸭骚味嘅麻辣层次感。香辣串烧虾用油泡过，连虾壳都非常惹味想吞埋落肚。炒土豆丝都是有辣劲但较flat tone。全晚只有一碟菜唔辣。服务普通正常，啲𩠌唔系好平但又冇其他食评讲到咁又贵又细碟，每人平均$350有饮啤酒又好似同食开嘅同类餐厅差唔多。不过2个人食 5个𩠌系食唔哂的。