Hot Dog Stage (已搬遷) 新店位置

上个月要去荔枝角返学，o系学校附近见到哩间铺头都几特别，都想试一试，但因为冇时间，所以都系冇买到。事隔一个月，再去返学，今次专登早d出门口，早餐都唔食，仲要take埋现金(因为怕佢冇八达通)，由港岛区坐呀坐呀，饿足九个字，行呀行，终于去到HOT DOG STAGE 喇。入到去，睇下有咩食先，都其实唔系咁睇得明，样样都好似好好味咁，个个都想试，我又见个哥哥冇咩做，咪问下佢每一个包有咩特别之处，个哥哥好有礼貌又好详细咁解释晒成个menu 。结果试左皇牌热狗，cream soup同孖士薯，等左咁耐终于都食到喇，磨菇cream soup 香+滑+浓，孖士薯 好有薯味，并不是用粉开的，而系用新鲜薯仔做的，配埋自家制的spicy肉酱，一赞！好想试埋用spicy肉酱做的热狗，皇牌热狗果然系皇牌，酸青瓜，自家制千岛酱，洋葱，火箭菜，新鲜蕃茄，加上去大厨做的肠仔上面，再配埋芝麻热狗包，一口咬落去......超满足！！好想快d又再返学，因为想试埋其他