影片
更多
2010-06-14
66 浏览
由于朋友好想试呢间主题餐厅, 但我睇过食评个个人都话难食, 但今晚终于都试左, 又冇想像中咁难食既, 只系价钱贵左啲唔值啫, 我地6点半到去到, 唔驶等住, 但店内都有好多人啦, 我地被安排坐门口右手边既枱, 呢边好似比我地包场咁, 等我地一枱咋, 但叫完野食就开始满座啦! 我地原本念住叫一个套餐share既, 因为有汤同主菜,另外沙律,蛋糕同雪糕系任食既, 但个侍应话如果叫套餐就一定要两个人一齐叫㖞, 唔可以一个叫套餐, 另一个散叫咁, 真系巴闭呀!!! 最后我地叫左个日式叉烧牛奶汤面, 开头以为系拉面, 但佢地话系乌冬㖞, 冇拉面, 咁究竟系卖晒定根本唔会有拉面呢? 如果冇咁写咩汤面呢? 写汤乌冬啦!!! 黑椒牛柳丝意粉, 蜂蜜卢荟, 朱古力芭菲日式叉烧牛奶汤面 - 真系好重牛奶味, 叉烧都好淋几好味, 乌冬好烟un, 呢个真系唔差既黑椒牛柳丝意粉 - 卖相唔差家, 但食落口就...差差差, 成碟野好重黑椒好辣, 牛柳丝好似好梅咁啰, 淋啤啤咁, 都唔似牛柳既都唔知咩肉黎家, 呢个就真系好难食啦蜂蜜卢荟 - 哗...同个餐牌相好有分别, 果杯咁既野只得半杯咋, 原价$35, 跟餐
日式叉烧牛奶汤面 - 真系好重牛奶味, 叉烧都好淋几好味, 乌冬好烟un, 呢个真系唔差既
黑椒牛柳丝意粉 - 卖相唔差家, 但食落口就...差差差, 成碟野好重黑椒好辣, 牛柳丝好似好梅咁啰, 淋啤啤咁, 都唔似牛柳既都唔知咩肉黎家, 呢个就真系好难食啦
蜂蜜卢荟 - 哗...同个餐牌相好有分别, 果杯咁既野只得半杯咋, 原价$35, 跟餐就加$10, 唔知系咪跟餐会得半杯啰
朱古力芭菲 - 卖相好靓, 味道都唔差
~~试一次就够啦, 见识过就够啦, 唔会再帮衬~~
张贴
