楚撚記大排檔 (日富里百好大廈) (已結業)

聽過呢間餐廳好耐，終於約到朋友去食喇！ 到7:00 已經全場滿座，果然係不得不試～餐廳門口喺小巷，但原來行入去咁大間，勁多座位，佈置到好有大排檔feel，風味十足喎😍菜式夠地道又吸引，招牌楚撚記脆皮燒BB鴿，用竹籠裝住，好有儀式感！ 外皮閃閃好香脆，鴿肉好入味～難忘漁港蝦醬骨（海山骨），比想像中大盤，色澤黃金，蝦醬味濃郁，師傅將肉切成小片方便食，每一件都肉脂相夾，食落勁惹味😋貌似平凡嘅香煎黑松露手打蓮藕墨魚餅，外脆內軟，入口爽彈，黑松露香散放 😌，裡面仲有蓮藕粒，好有咬口主食必要點～楚撚豬油撈飯，可以按自己喜愛加豬油及醬油，最後放入香蔥及芫荽🌿