德發大排檔

营业中

休息中

呢几日要寄宿于利东邨，所以都行晒大街呀街巿呀图书馆等等。街巿排档午市海鲜晚饭都食过，反而未试过早餐，今朝上网见到发记竟然有少见牛杂粥，即刻落去试下。九点左右嘅排档还坐着不少食客，一睇就知都系老街坊，最唔街坊嘅反而系操着外省音广东话嘅店员。牛杂粥有大有细，价格非常贴地！我叫左碗细嘅只条$21。其实由始至终我对牛杂粥常常存有误解，以为佢系用生滚粥嘅做法，材料由生煮至熟，类似及弟粥咁;如果真系咁样，我谂会好食好多……？？结果第一次响澳门六记食到嘅，原来只系将白粥撞落去煮好嘅牛杂度。德发嘅做法亦一样，牛杂嘅各种唔同部位经滚热绵滑嘅粥底烫过后，味道即刻迫到出嚟，甜甜肉香又有阵淡淡牛至有嘅酥味，几正！牛杂size刚刚好，一啖可以咬两件，材料又够多，净计牛杂个份量出面买都要廿五至三十蚊。呢个价钱食到咁好质素，的确值得推介。