影片
更多
2007-06-05
33 浏览
我亚爷喺几十年前已经喺湾仔开牛杂粉面大排档,到俾政府收番个牌𠮶时我都只得十岁左右......好怀念... 最近有新加坡亲戚来港,一定要带佢哋食好嘢,于是来openrice 睇食评,睇中水记同九记,同老婆去试食先(咪失礼人嘛). 我同老婆去到约 16:00 唔驶等,我一到先叫了牛杂面,老婆仲谂紧,我碗面好快就到,饮啖汤食啖面,哗~~Ｄ面好爽好弹....老婆听到即问有冇碱水味(佢唔钟意)我话唔觉,佢即刻叫咗个牛腩面,仲比咗两件我,件牛腩好香牛味,唔肥(一般粉面铺用偏肥的,因为太瘦容易有渣,同肥牛糕有浓烈牛香.),但入口软滑难得... Ｄ牛杂仲得,片牛肝唔似其它人卖𠮶Ｄ入口粉晒一"劈"嘢咁,牛肺唔系黑麻麻的有小小粉红色,好"烟un" ...正!!其它肚、肠都恰到好处,老婆话试埋九记牛脯比较下,九记冇乜选择果日得粗面or 伊面, 哗~~好肥啊成碗牛油,Ｄ牛腩都好肥、好油同好大件,食落都好淋,Ｄ肉一丝丝散开,但系有Ｄ似汤渣咁,九记(太油啦)虽然出名好多,但同水记冇得比. 新加坡亲戚都食到超额完成,个个都开心满足. 咁多年来终于揾到食牛杂、牛腩面嘅指定食店.
最近有新加坡亲戚来港,一定要带佢哋食好嘢,于是来openrice 睇食评,睇中水记同九记,同老婆去试食先(咪失礼人嘛).
我同老婆去到约 16:00 唔驶等,我一到先叫了牛杂面,老婆仲谂紧,我碗面好快就到,饮啖汤食啖面,哗~~Ｄ面好爽好弹....老婆听到即问有冇碱水味(佢唔钟意)我话唔觉,佢即刻叫咗个牛腩面,仲比咗两件我,件牛腩好香牛味,唔肥(一般粉面铺用偏肥的,因为太瘦容易有渣,同肥牛糕有浓烈牛香.),但入口软滑难得...
Ｄ牛杂仲得,片牛肝唔似其它人卖𠮶Ｄ入口粉晒一"劈"嘢咁,牛肺唔系黑麻麻的有小小粉红色,
好"烟un" ...正!!其它肚、肠都恰到好处,老婆话试埋九记牛脯比较下,九记冇乜选择果日得粗面or 伊面, 哗~~好肥啊成碗牛油,Ｄ牛腩都好肥、好油同好大件,食落都好淋,Ｄ肉一丝丝散开,但系有Ｄ似汤渣咁,九记(太油啦)虽然出名好多,但同水记冇得比.
新加坡亲戚都食到超额完成,个个都开心满足.
咁多年来终于揾到食牛杂、牛腩面嘅指定食店.
张贴