公子茶座 (已結業)

去朋友屋企附近揾野食，见到新开嘅茶记，就一齐去试下，午餐50几，下午茶30几蚊包野饮，定价都好贴地。西多士一定要跟糖浆先系皇道！厚西多够脆，花生酱好足料好香，鲜牛油味出。Cold brew咖啡， 可可焦糖味出，不苦不酸，香醇易入口。平民价钱，饮到高质冷萃。肉饼煎得好脆，肉饼肉味香，唔系死咸有鲜味，配葱油无得输。沙爹牛面，浓汤配滑蛋同牛油脆多士，系香港人都唔会食厌嘅组合！红豆椰汁冰，用椰汁冰刨冰配香甜大粒红豆蓉，份量足料，透心凉。南乳炸鸡脾，皮脆肉嫩，南乳腌得入味座位阔落，有怀旧气氛食物质素好，选择多，款式够经典，价钱贴地，值得街坊支持。