新南苑大排檔

营业中

休息中

平时钟意食大排档，贪佢啲小菜够镬气。煎炸既菜式又特别香脆特别好味！今次好放肆，嗌咗三样𩠌全部都系煎炸嘅，超热气呀！不过唔紧要啦，间中食，好味咪得啰炸杂鱼仔呢款菜式系老细推介嘅，既然老细推荐，咁不妨试一试啦。点知真系有惊喜！！啲鱼炸得超松脆，成条鱼连骨都可以食埋，好好味！瓜就有凉瓜同埋丝瓜，加埋个芡汁落去一齐炒好夹。煎蚝饼蚝仔好大只！蚝饼又唔会太油，煎得啱啱好，好松化。脆皮猪手每次食都一定嗌呢只猪手！ 十年如一日嘅好食！！ 猪手大大只，炸得个皮好脆！ 成只猪手啖啖肉，好正！垫底嘅炸虾片都炸得好脆，而且冇乜油必食！！