樂天經典 (已結業)

乐天皇朝呢个品牌嘅餐厅其实青衣都见过，之前望过个餐牌都觉得比较贵，所以一直都冇试过呢个品牌嘅餐厅。今日有同事建议嚟呢间乐天经典试吓粤菜，就抱住试一试冇坏嘅心态试吓。唔知系咪呢间铺新开嘅关系，中午时间客人唔系好多。呢间铺装修都几华丽，又有婴儿座椅，应该好适合一家人晚饭。今日其实都叫咗几样厨师推介嘅菜式，包括「龙虎烩」同埋「古早鱼香老鼠粉煲」，但系我今次反而好想介绍两个看似普通但系好好味嘅菜式。「荔枝咕噜肉」小编我本人真系好钟意食咕噜肉，不过坊间啲餐厅10间有8间都唔好食嘅，今次乐天经典嘅呢个咕噜肉令我眼前一亮，咕噜肉个皮炸得好脆，肉质又软硬度适中，个汁酸酸甜甜味道啱啱好，真系好耐冇食过咁有水准嘅咕噜肉!「菜香铁板豆腐」呢个铁板豆腐上面啲肉碎汁好好味，豆腐外皮系炸过，非常香，中间就系白白滑滑，呢个𩠌捞饭真系一流。小编觉得呢间粤菜餐厅真系好适合同屋企啲长辈嚟试一试。