樂天經典 (已結業)

好耐无食过我至爱既乐天经典，最近社会气氛好差，人流明显少左。不过两个人坐卡位劲阔落，可以静静地食野倾计其实都几舒服。✨每次都好钟意佢个餐前小吃，d花生同栗子炆到劲腍劲入味，个汁甜甜地真系好好食。✨海鲜皇炒饭（$98): 细size 既份量其实都几多， 配料有蟹籽，葱花，鸡蛋，虾同带子～饭粒炒得干身软硬适中，蟹籽够多每啖饭都脆卜卜，仲好香葱花同鸡蛋既味道。虾肉同带子都好爽弹，呢个饭清清地捞下𩠌都唔错。✨花菇云耳蒸生鱼片（$108): 鱼片有8旧，都几厚肉，最钟意佢啖啖肉无骨仲几滑几鲜味。云耳同d 菇都加左红枣去蒸，所以多左阵红枣既香甜味，呢道菜系健康之选。✨青芥末虾球（$155): 卖相黄黄绿绿几colorful~个wasabi 沙律酱真系好正，食起上黎又唔会好辣。加埋面头d 芒果肉同蟹籽甜甜酸酸，真系好开胃🤩。虾肉够爽口弹牙，炸粉又唔会太厚，呢个系我今晚最钟意既菜式。✨砂窝黄酒鸡（$96): 个窝劲热，热到咋渣声～先饮下啖汁，有鸡味得黎有酒香👍🏻 个鸡都有淡淡既酒香，不过唔会太抢， 肉质仲几嫩滑，呢个中size 两个人都食得晒。