千葉鳥

营业中

休息中

其实平时真系甚少嚟天水围呢边我住呢度附近嘅朋友约打波就唯有过嚟啦 特登揾下有啲乜嘢好食餐厅喺附近就见到呢间餐厅好多好评都几实惠可能因为系屋邨商场嘅位置都比较入 午餐又唔收加一 点知佢食物唔止价廉而且高质午餐除主食仲有小食跟埋 拣咗北寄贝沙律同黄金鱿鱼手卷同埋紫心薯饼 手卷系即整 好味 紫心薯饼够脆又够热 主菜就拣左个二品盛 要左碎葱拖罗同赤虾 虾够甜又够弹牙 虾头入面d膏都好浓味 有质素鱼生饭 另外点左八件寿司配细乌冬餐 有希灵鱼 带子 我都好钟意 个细乌冬其实份量都唔少 乌冬弹牙 配有紫菜粟米 呢个套餐一个人食真系好饱 再叫左两串免冶鸡肉串 好嫩 上面酱汁味道适中唔会太咸 配埋紫菜粉 真系同居酒屋有得挥 食物质素高 环境又有气氛 重点系价钱好抵 份量咁多 不禁赞叹自己拣左间好餐厅