喜善中餐廳 (已結業)

同屋企人去开outlet行街, 就顺便喺emax食lunch。之前参加朋友婚宴已经试过喜善嘅食物质素, 觉得唔错就入咗呢间酒楼!餐厅环境几阔落, 坐位亦唔算逼, 第一印象唔错。点心除咗典型蒸点, 仲有好多小食选择, 假日仲有特价纸添, 最啱我呢个悭家一族!叫咗个大点嘅生滚鸡粥。个粥一嚟到绝对有惊喜, 因为系用大汤碗上, size系平日酒楼嘅两倍。滑鸡球系用平日棉花鸡𠮶种, 无骨, 而且有5-6件, 所以$26系物超所值!整体嚟讲野食几好味, 价钱亦好优惠, 但炸物嘅温度不足, 餐厅要留意下。