塚田農場

营业中

休息中

啲人成日话经济唔好，饮食业好难做，无生意，今日请咗半日假hea 下，估唔到weekday 咁多人，好多餐厅都full ,想encore 1881walk in无位，行咗去海港城，好多食肆都要排队，最后拣咗食呢间，都坐咗9成，虽然有海景，不过冷气唔太够。order 咗个杂锦寿司御膳，佢menu 写寿司，其实唔系一件件，系鱼生饭，鱼生都几细粒，饭应该都唔系珍珠米，另外一个系美人寿司御膳，卖相好靓，有手卷，豆腐同天妇罗，手卷size几好，一啖一件，天妇罗有虾，粟米，旁边另外都有炸物，系鱼，仲有个卖相几靓嘅系腐皮包住啲蛋，鳗鱼同鱼子，overall食物都唔算高质，天妇罗都炸得麻麻。set 配沙律同饮品，饮品有乌龙茶，橙汁，咖啡同汽水，我地拣咗橙汁同柠茶，虽然无咩特别，不过就有个海景可以hea到4点。