影片
更多
2016-10-04
8576 浏览
烦恼去边度食饭庆祝结婚两周年, 系报纸见到有段小介绍, 皇家太平洋酒店的 "Pierside" 有个 Three Course Dinner ($210 + 10% ), 平时听得多人讲既系佢地既BUFFET, 见今次个MENUS 几吸引, 价钱又可接受, 即刻打去订枱, 仲话明系庆祝结婚两周年, 希望佢系甜品上, 可以帮我地写上字!去到个感觉都几舒服, 枱与枱之间都不算太密, 两位经理都好热情招呼客人!我地每人点左一个餐, 头盘, 甜品, 各选一, 咁就可以试齐晒, 主菜楝左牛同意大利饭!而家仲紧 PROMOTION, 好似系九点前叫酒精类饮品, 都有 buy 1 get 1 free, 我见枱枱都叫哩款, 我都叫左杯黎试下 "Cocktails & Ice Pop", 第一杯见到支冰条就即刻食左佢, 点知杯野饮落好淡味, 到第二杯, 我地决定等支冰条自己溶, 饮落既味道即刻唔同左, 重味啲, 不过总括杯野都系麻麻, 冇乜特别!因为佢地知我地系SHARE 食, 每样食物都系逐样逐样咁上, 时间上安排得几好!Caesar Salad with air-cured ham, 好新鲜, 啲
去到个感觉都几舒服, 枱与枱之间都不算太密, 两位经理都好热情招呼客人!
我地每人点左一个餐, 头盘, 甜品, 各选一, 咁就可以试齐晒, 主菜楝左牛同意大利饭!
而家仲紧 PROMOTION, 好似系九点前叫酒精类饮品, 都有 buy 1 get 1 free, 我见枱枱都叫哩款, 我都叫左杯黎试下 "Cocktails & Ice Pop", 第一杯见到支冰条就即刻食左佢, 点知杯野饮落好淡味, 到第二杯, 我地决定等支冰条自己溶, 饮落既味道即刻唔同左, 重味啲, 不过总括杯野都系麻麻, 冇乜特别!
因为佢地知我地系SHARE 食, 每样食物都系逐样逐样咁上, 时间上安排得几好!Caesar Salad with air-cured ham, 好新鲜, 啲 ham 咸咸地配落去食, 好味!
玉米浓汤配爆谷, 个粟米汤真系好浓, 重重既粟米味, 好正, 但配爆谷, 我估应该系一个绰头, 感觉有点不太夹, 我个人觉得汤都系配多士/面包, 较夹
黑松露野菌意大利饭, 基本上意大利饭都系配黑松露野菌, 主意都系睇个松露香唔香, 哩度既松露一般, 一上枱冇话有一种好香既松露味, 同埋啲意大利饭都比较偏硬, 连个心都较硬!
另一款主菜楝左西冷牛扒 (要另加+$60), 其实我对西冷一般, 我比较喜款食肉眼扒, 因为西冷一般都唔够牛肉既香味! 哩度的牛扒正如我所讲, 唔香!
我地叫左五成熟, 但觉得应该超过五成了, 食落去好靭, 可以系块扒都一般, 感觉唔值要+$60 去食块咁既西冷扒, 我宁愿楝比目鱼, 因为见隔离枱块比目鱼仲好味.
到甜品: 棉花糖朱古力布朗尼配乳酪雪糕, 系上枱时, 会淋上少许冧酒点火
另一款系: 焗苹果卷配云呢拿雪糕
两款甜品上枱的时候, 我都唔见佢有写字, 我即刻问, 我有打电话黎要求写字, 点解会冇既, 那位经理(较肥), 答我话系呀, 你个字因为碎左, 所以而家整紧, 好快立刻到, 我等左一阵, 见佢都冇入厨房讲过或为我睇过一眼, 只系挂住同其他枱倾计招呼, 你要明白, 你俾我既两款甜品都有雪糕系度, 我就系要等你个字影张相纪念, 咁你系想叫我食完个甜品之后, 再同啲净字体影相呀?, 其实个位经埋答我既时候我已经觉得佢地系忘记左, 但系忘记左唔紧要, 你可以直接同我讲, 而唔系"沙" 我啰! 跟住我再等多一阵, 见啲雪糕开始溶了, 我再叫那位经理, 佢见到我叫佢, 佢竟然叫另一位经理(高啲那位叫Jerry F.)应我地, 我话你地位同事话我个字整紧, 但系雪糕就溶啦, 你想我点呢? 佢即收起我两款甜品, 话我而家入厨房帮你跟进, 再另上多一次甜品俾你 (即刻感觉佢有诚意好多)! 不过, 转头佢返黎问我系唔系写" HAPPY BIRTHDAY", 我即刻话我打过电话黎, 要求写乜野字, 你地仲应承话ok, 点解到最后你地要问返我写乜野字呢?
隔多一阵, 佢走过黎问我地赶唔赶时间, 佢话会补偿返, 会俾个惊喜我地, 叫我地俾十五分钟佢! 我见佢不断进出厨房睇下个进度, 有时见我地系咁望住, 佢到会过黎同我地讲, 俾多少少时间佢!
其实都超过十五分钟啦......果然, 佢做到, 真系俾到惊喜我地! 个甜品好靓, 其实要等咁耐, 我见佢话系要整个支棉花糖! 全个甜品都系食得架, 个块草坡系绿茶蛋糕碎, 仲有啲蝴蝶好靓, 都系朱古力黎, 佢可以配衬到将我地个两款甜品溶合落哩个甜品主题到.....正! 我绝对要俾个 LIKE 哩位总理 (记住系较高那位, Jerry F.), 另外要俾个DISLIKE 那位"沙"我既经理(较肥较矮那位)
张贴
