影片
更多
2022-10-12
106 浏览
今个月系我同余爸爸嘅结婚周年纪念，于是俩口子就拣左食Omakase庆祝，人大了谂唔到想要咩礼物，都系食野最实际，哈哈！【寿司源】位于元朗大马路附近，西铁步行约5分钟直达～ 餐厅环境宁静，全部都系吧枱，可以睇到师傅表演～ 店员招呼都好周到和有礼貌～我地点左2个set，分别有前菜、多款新鲜美味嘅寿司、手卷、味噌汤和甜品，好丰富呀！前菜好吸睛、富艺术感，烧栗子好甜美，仲有清新爽甜嘅富有柿，卜卜脆嘅三文鱼子，山竹虾和烧鳗鱼，想不到第一道菜已经咁吸引！接著就系一件又一件高水准的寿司，就连旁边嘅淮山、牛旁和姜都好好味啊～师傅帮我地安排由淡味食起～依佐目肉质烟韧，面头放了紫苏花，好美的画面喔！左口鱼肉质软滑清新~北海道根室产帆立贝加入了鼓油青柠汁，令味道更多鲜甜～而家开始食浓味了。。。师傅话石门贝系咁多种贝类之中最好味的，的确入口好鲜甜，非常新鲜！现在是油甘鱼当造季节，一定要试，真系入口好香甜、香滑～深海池鱼比较浓味，有辣椒萝卜做toppings 中和番～梳子鱼烧过再洒上芝麻，两者味道好夹，个汁好仲清甜，好想再来多件啊～真雪鱼可以生食，系银雪鱼啲朋友嚟，佢油份比较重，所以师傅将佢烧过，将油份沉底，再
【寿司源】位于元朗大马路附近，西铁步行约5分钟直达～ 餐厅环境宁静，全部都系吧枱，可以睇到师傅表演～ 店员招呼都好周到和有礼貌～
我地点左2个set，分别有前菜、多款新鲜美味嘅寿司、手卷、味噌汤和甜品，好丰富呀！
前菜好吸睛、富艺术感，烧栗子好甜美，仲有清新爽甜嘅富有柿，卜卜脆嘅三文鱼子，山竹虾和烧鳗鱼，想不到第一道菜已经咁吸引！
接著就系一件又一件高水准的寿司，就连旁边嘅淮山、牛旁和姜都好好味啊～
师傅帮我地安排由淡味食起～
依佐目肉质烟韧，面头放了紫苏花，好美的画面喔！
左口鱼肉质软滑清新~
北海道根室产帆立贝加入了鼓油青柠汁，令味道更多鲜甜～
而家开始食浓味了。。。
师傅话石门贝系咁多种贝类之中最好味的，的确入口好鲜甜，非常新鲜！
现在是油甘鱼当造季节，一定要试，真系入口好香甜、香滑～
深海池鱼比较浓味，有辣椒萝卜做toppings 中和番～
梳子鱼烧过再洒上芝麻，两者味道好夹，个汁好仲清甜，好想再来多件啊～
真雪鱼可以生食，系银雪鱼啲朋友嚟，佢油份比较重，所以师傅将佢烧过，将油份沉底，再以辣椒萝卜做toppings 中和下～
虾刺身好爽甜，绿色是虾子，带咸香海水味～
秋刀鱼也是当造，鱼味和油份重，好肥美啊～
长崎县野生天然大拖罗，又称蛇腹拖罗，位置是腩位嘅最笃笃，所以比较少有，虽未而家未系时令季节，但都已经好香、好肥美喇！
醋渍青鱼有葱花芝麻做toppings，加强层次感~
石门鲷有最肥美嘅鲷之称，是鲷拖罗, 有干冬瓜做toppings, 令味道更香浓～
小川白海胆真系令我地回味无穷，大粒、十分甜但不会刺喉～
三文鱼子是师傅自己腌渍过的，所以味道好特别，偏甜和有酒香味～
接着是手卷和味噌汤，手卷用料丰富，紫菜好够脆～
最后食埋呢个丰富嘅甜品三色丸子，有超甜嘅黑糖赤肉蜜瓜和Q弹软糯嘅三色丸子，无论系颜色和味道都十分吸引，为我地是晚画上圆满的句号！
呢晚嘅Omakase为我地结婚周年倍增色彩，更开心难忘，真的很期待下次再来食好西啊！
张贴
