Barg (已結業)

行完时代广场想揾地方坐下放低战利品，揾左附近的餐厅试试，谂住hea 下吹下水休息下，点知食物的质素好好，试左三样都好有惊喜！虾toast 大虾肉好爽好弹牙，而且上面仲有满满的蟹肉，蟹肉有微微调味过，仲有蟹膏捞埋一齐。炸后连埋脆脆的多士一齐食好撘，大满足, 绝对系有惊喜的一碟！🤤意大利四式芝士薄饼芝士味好浓，四种mix 埋系复杂的口味: 咸咸浓浓香香的芝士味，仲有拉丝！饼底系薄底，唔会好快就好饱👍烤德国咸猪手系本人食过最高质的猪手，烤的火喉拿捏得好好，完全冇过火，皮脆得黎肉冇老到。猪手本身食得出系靓货，肉好厚，肥瘦比例完美，绝对冇夸张！配菜系酸菜，伴住一齐食冇咁腻得黎又开胃🥰