影片
更多
2015-09-28
685 浏览
早两日，一早同同学入元朗做考察功课，做完之后，肚饿加上元朗好热，令到我地更肚饿，附近见到有间超靓既cafe，你知啦，两个女仔，有cafe，仲要靓，好自然就冲左去，门口有午市menu，价钱真心有啲贵，我地谂左一谂，见到入面又唔少人，最后都系决定入！横掂都贵，我地就叫左两个最贵既set，系烧焗羊西冷配烧汁 同埋 All day breakfast share食
开头先上餐汤同面包，个人对南瓜汤无乜好感，见到既时候有啲失望，等fd饮完先问好唔好饮，话好饮，咁我姑且试下，结果系真系掂，南瓜蓉刚刚好，唔会有渣，个汤既咸甜度配合得好好，南瓜味好出，上面既忌廉令个汤更加滑，加埋个包点汤食，个包够软熟，好match烧焗羊西冷配烧汁($98) 一拎上黎已经劲香肉味，我地见到个肉好厚都wa左声，一切落去，啲肉中间系浅粉红色，啲肉汁真系bi哂出黎，wa忍唔住切一旧自己食左先，每一啖都有肉汁，个肉系有咬口但唔韧，就算有筋既位都唔韧，仲要好香羊油，羊既臭膻味系一啲都无。配菜都有处理，西兰花系炒唔系白烚，虽然肥但系好味好多，粟米劲香牛油味，个车厘茄仲要烧到甩皮，我劲讨厌食茄皮，所以呢个好方便，薯蓉都好滑，98
横掂都贵，我地就叫左两个最贵既set，系烧焗羊西冷配烧汁 同埋 All day breakfast share食
开头先上餐汤同面包，个人对南瓜汤无乜好感，见到既时候有啲失望，等fd饮完先问好唔好饮，话好饮，咁我姑且试下，结果系真系掂，南瓜蓉刚刚好，唔会有渣，个汤既咸甜度配合得好好，南瓜味好出，上面既忌廉令个汤更加滑，加埋个包点汤食，个包够软熟，好match
烧焗羊西冷配烧汁($98) 一拎上黎已经劲香肉味，我地见到个肉好厚都wa左声，一切落去，啲肉中间系浅粉红色，啲肉汁真系bi哂出黎，wa忍唔住切一旧自己食左先，每一啖都有肉汁，个肉系有咬口但唔韧，就算有筋既位都唔韧，仲要好香羊油，羊既臭膻味系一啲都无。配菜都有处理，西兰花系炒唔系白烚，虽然肥但系好味好多，粟米劲香牛油味，个车厘茄仲要烧到甩皮，我劲讨厌食茄皮，所以呢个好方便，薯蓉都好滑，98蚊，但真系要俾既~
All day breakfast($88) 一般女仔都好中意食，唔洗烦又够种类多又够饱，呢个all day做到哂，质素仲要唔差，88蚊既All day比起一般食肆上既系平少少，沙律菜企理，用黑醋，茄汁豆唔系难食，加上中意个茄汁豆独立盛起，我个fd唔食茄汁咁就可以其他食物无受到污染，薯饼几好，无油淋淋，个炸菇几得意，好少all day会有，个肠系德国香草肠，系贵嘢黎~ 好开心有蜜瓜，因为我地都中意食水果，仲要系甜既，唔会hea两旧烂鬼蜜瓜俾我，牛角包几出色，出面够酥入面够软。压轴介绍既系黑松露炒蛋！竟然all day既炒蛋有黑松露！！！先唔讲黑松露加持，炒蛋本身好滑，唔会炒到太熟，食得出仲有落牛奶炒，加埋个好香既黑松露酱，100分！
玄米茶好够热，应该用咖啡机水冲，呢个处理好好所以茶味好出
热Cappuccion拉花靓就唔讲，反而系个咖啡外围既油脂，加上饮落系甜甜地带甘，呢个唔系因为Cappuccion，系证明咖啡豆既质素真系好得！
一间cafe既咖啡同环境要好，系一定，食物既质素唔差，都系需要既。呢间cafe做到！不过如果价钱可以更大众化就更加好了haha
张贴
