影片
更多
2019-11-11
824 浏览
呢日lunch time俾大妈同事捉咗去太子排新开蛋糕店，佢话顺便带我去食好西😋。佢喺呢区屹立多年，话周不时都会嚟呢间位于界限街交界嘅面舖。正值午餐时份，所以坐满人🥺，好彩啱啱有人走，抹埋枱就坐得。面舖装修都几骨子，富有中国风，同平日港式𠮶种好唔同。环境四四正正，座位阔落，又干净👍。单并面食大部份$30，双拼面食或捞面就$35，另外仲有卖小食。我要咗柱侯牛腩捞面($35)，走葱，有碗汤另上，不过我从来都唔知碗汤系点食😂，但就咁饮都几清唔错。至于碗面，望落唔觉大碗，但食落发现面量比平日嘅多，可能有1.5倍之多！牛腩有好多嚿，有少少筋，唔会得瘦肉。而佢个捞面就更出色🤤，因为好爽，全部煮开哂，唔会有未开面饼，加上无枧水味。同事就要咗凤城水饺粗面($30)加紫菜($5)，面我无试，水饺🥟有3只，我就试咗只，只饺好大只好多馅呀，食到原只虾肉🍤！下次我会嗌呢样。另外我哋加咗3款小食，我唔知原来碗面咁大，好彩大妈擦得，可以包底🙈。每样小食平均都系$29，同碗面差唔多价钱，性价比唔高。不过3样都好食的，其中我最钟意炸云呑，果然系招牌！炸招牌云呑，有4粒，我开头以为系酒楼春卷皮𠮶种炸云吞，但实际系锦卤云
呢日lunch time俾大妈同事捉咗去太子排新开蛋糕店，佢话顺便带我去食好西😋。佢喺呢区屹立多年，话周不时都会嚟呢间位于界限街交界嘅面舖。正值午餐时份，所以坐满人🥺，好彩啱啱有人走，抹埋枱就坐得。面舖装修都几骨子，富有中国风，同平日港式𠮶种好唔同。环境四四正正，座位阔落，又干净👍。
单并面食大部份$30，双拼面食或捞面就$35，另外仲有卖小食。
我要咗柱侯牛腩捞面($35)，走葱，有碗汤另上，不过我从来都唔知碗汤系点食😂，但就咁饮都几清唔错。至于碗面，望落唔觉大碗，但食落发现面量比平日嘅多，可能有1.5倍之多！牛腩有好多嚿，有少少筋，唔会得瘦肉。而佢个捞面就更出色🤤，因为好爽，全部煮开哂，唔会有未开面饼，加上无枧水味。
同事就要咗凤城水饺粗面($30)加紫菜($5)，面我无试，水饺🥟有3只，我就试咗只，只饺好大只好多馅呀，食到原只虾肉🍤！下次我会嗌呢样。
另外我哋加咗3款小食，我唔知原来碗面咁大，好彩大妈擦得，可以包底🙈。每样小食平均都系$29，同碗面差唔多价钱，性价比唔高。不过3样都好食的，其中我最钟意炸云呑，果然系招牌！
炸招牌云呑，有4粒，我开头以为系酒楼春卷皮𠮶种炸云吞，但实际系锦卤云吞𠮶种脆皮。好食啊，云吞本身正😋，建议点埋个甜酸酱食。
.
炸黄金鱼角，有5片，炸到黄金色👍。
.
炸墨鱼丸，有4粒，呢样相对普通。
面店仲有自家制嘅腌萝卜，我去到边都一定会食，开胃嘛。味道唔错，比较特别嘅系萝卜系一片片的，而唔系一粒粒。
总括嚟讲，呢间面舖又真系几出色，价钱比深水埗街边舖贵几蚊，但坐得舒服好多，饱啲又好食👍。小食都可以加嚟试下，但2人的话两样都应该够。多谢资深大妈推介，下次再嚟食过😙。
张贴
