影片
更多
2021-11-10
2693 浏览
喺2021年首夺亚洲50大最佳餐厅之一嘅大班楼名气响当当，订位更加要最小早半年订先有，今次终于可以嚟到试吓👏🏻!餐厅里面环境似旧式啲但中西感觉都有嘅餐厅，无话好多花巧装饰，今次坐二楼，阁楼关系楼底唔算高，环境亦唔大，整体感觉唔系好有格调𠮶啲，唔靠餐厅环境布置而咁有名气，深信绝对系食物嘅质素更见一班。打开餐牌，会发现餐牌上面嘅菜式对比好多中菜厅嚟讲系相当少见，之后发现呢度除咗系无味精外，亦都弃用咗粤菜成日会用到嘅上汤同埋蚝油等，改用咗自家制嘅鸡油，虾油同猪油等等做调味。我哋分别拣咗晚市套餐一同二，每位$880，四位起计。另外亦额外叫多少少，所以总共有12道菜，个人认为每道都系好出色，以下几样就特别深刻：🔹鸡油花雕蒸大花蟹配陈村粉：佢上枱时，我系心大叫：「终于食到啦！」呢道菜式其实好多地方都有好多唔同但相近嘅做法，但我坚持要将第一次食嘅味道留俾大班楼，因为见好多人食完都大赞；先唔好理只蟹啲蟹肉有几鲜甜，个汁真系呢道菜嘅精髓，鲜到不得之了，汁底分别用咗鸡油同花雕汁，两者味道均系极重之余，亦有非常浓郁嘅蚬肉味，捞埋好滑溜嘅陈村粉真系令人回味无穷🤤⋯如果唔系好饱我会叫多一份陈村粉倒落去，但最后我
餐厅里面环境似旧式啲但中西感觉都有嘅餐厅，无话好多花巧装饰，今次坐二楼，阁楼关系楼底唔算高，环境亦唔大，整体感觉唔系好有格调𠮶啲，唔靠餐厅环境布置而咁有名气，深信绝对系食物嘅质素更见一班。
打开餐牌，会发现餐牌上面嘅菜式对比好多中菜厅嚟讲系相当少见，之后发现呢度除咗系无味精外，亦都弃用咗粤菜成日会用到嘅上汤同埋蚝油等，改用咗自家制嘅鸡油，虾油同猪油等等做调味。我哋分别拣咗晚市套餐一同二，每位$880，四位起计。另外亦额外叫多少少，所以总共有12道菜，个人认为每道都系好出色，以下几样就特别深刻：
🔹鸡油花雕蒸大花蟹配陈村粉：
佢上枱时，我系心大叫：「终于食到啦！」呢道菜式其实好多地方都有好多唔同但相近嘅做法，但我坚持要将第一次食嘅味道留俾大班楼，因为见好多人食完都大赞；先唔好理只蟹啲蟹肉有几鲜甜，个汁真系呢道菜嘅精髓，鲜到不得之了，汁底分别用咗鸡油同花雕汁，两者味道均系极重之余，亦有非常浓郁嘅蚬肉味，捞埋好滑溜嘅陈村粉真系令人回味无穷🤤⋯如果唔系好饱我会叫多一份陈村粉倒落去，但最后我都有拎走埋啲汁返去再煮面。
鸡油花雕蒸大花蟹配陈村粉
84 浏览
0 赞好
0 留言
🔹脆皮迷你粽配菊花糖：
外皮小小脆口，里面烟韧，配菊花糖嘅味道好特别又好味，菊花碎就咁夹起嚟食都系好清甜。
🔹话梅肉桂糖醋排骨：
我觉得呢道菜式非常有惊喜，排骨选用咗一字骨，腌得超级入味，话梅桂糖醋味挂满哂全旧排骨，酸甜味平衡得啱啱好，煮得好冧但又唔会过火，肉质好juicy!
话梅肉桂糖醋排骨
66 浏览
0 赞好
0 留言
🔹梅菜芥兰：
梅菜配芥兰呢个组合几新鲜，梅菜提鲜，芥兰鲜甜，而且两者均系咸甜味适中，芥兰选用咗最嫩嘅𠮶部份，完全无渣，解腻一流👍🏻
🔹三虾炒饭：
分别用咗鲜虾，虾干同虾膏去做原材料，炒饭粒粒分明，味道唔会过咸，而且炒得非常干身，碗里面近乎无油。
三虾炒饭
49 浏览
0 赞好
0 留言
🔹生磨杏仁茶：
杏仁味道好浓郁，感觉上相当滋补又够热，完美句号。
生磨杏仁茶
46 浏览
0 赞好
0 留言
只能够赞叹呢度嘅师傅功架好深厚，手艺精，无论系每道菜嘅用料同调味上，均系刚刚好，配搭上亦非常有心思，各样出色都藏喺细节位里面。必定会再访。
张贴
