影片
更多
2021-05-09
569 浏览
星期六下午难得放假，谂住近近地带毛孩出街放吓电，食埋餐饭先返屋企啦。上网见yoho mall I 地下有几间餐厅都系宠物友善，而依间餐厅更加系对我嘅荷包友善（最后埋单完全吾系），就走左入去啦。首先讲吓服务态度，我地企左系门口成5分钟都冇人带位，明明入面间舖有一半都系吉嘅。啲员工见到门口有人等位，都选择视而不见。到上餐后，明知张枱细吾好放，都吾帮我地摆好啲碟，反而问返我「咁点？」，最后我要自己摆过晒。好啦，终于入到去用手机点埋餐。作为狗奴才嘅我当然系叫左野食比狗狗先。我叫左个香蕉燕麦椰子油窝夫，狗狗平时从不拣食，但轻轻咬左一啖就吾食。咁我就试吓味啦。咬左一啖，旧窝夫仲硬过我条命，冇乜香蕉味，伴碟嘅青苹果极酸，难怪狗也不吃。于是我决定比多次机会，叫埋另一个菠菜南瓜饼啦。黎到又系劲重黄姜味，口感似擦胶。见冇乜野岩毛孩食，我唯有叫多只水煮蛋，谂住比少少蛋黄佢食啦，点知上到黎佢煮左只温泉蛋，上面仲晒左啲好精致嘅七味粉添。真系多谢晒讲返人类嘅食物，蓝青口同埋猪肋骨算不过不失，猪肋骨个肉质都算香软，吾会太干。反而薯粒镬仔令我有啲失望，太过干身，同埋好咸。饮品方面，我地两个人都叫左百利甜酒朱古力，算系
首先讲吓服务态度，我地企左系门口成5分钟都冇人带位，明明入面间舖有一半都系吉嘅。啲员工见到门口有人等位，都选择视而不见。到上餐后，明知张枱细吾好放，
都吾帮我地摆好啲碟，反而问返我「咁点？」，最后我要自己摆过晒。
好啦，终于入到去用手机点埋餐。作为狗奴才嘅我当然系叫左野食比狗狗先。我叫左个香蕉燕麦椰子油窝夫，狗狗平时从不拣食，但轻轻咬左一啖就吾食。咁我就试吓味啦。咬左一啖，旧窝夫仲硬过我条命，冇乜香蕉味，伴碟嘅青苹果极酸，难怪狗也不吃。于是我决定比多次机会，叫埋另一个菠菜南瓜饼啦。黎到又系劲重黄姜味，口感似擦胶。见冇乜野岩毛孩食，我唯有叫多只水煮蛋，谂住比少少蛋黄佢食啦，点知上到黎佢煮左只温泉蛋，上面仲晒左啲好精致嘅七味粉添。真系多谢晒
讲返人类嘅食物，蓝青口同埋猪肋骨算不过不失，猪肋骨个肉质都算香软，吾会太干。反而薯粒镬仔令我有啲失望，太过干身，同埋好咸。
饮品方面，我地两个人都叫左百利甜酒朱古力，算系成餐饭令我地最满意嘅。卖相同味道都不错。
黎到依度冇理由吾试埋佢主打嘅窝夫。点知一上餐我真系好怀疑自己叫左啲咩。只碟得一份窝夫，一盒牛油同埋一球雪糕。说好的蓝莓同士多啤梨呢？一切开，佢又冇呃我嘅，啲士多啤梨夹住系窝夫入面咋嘛。窝夫除左暖暖地，口感算松软，但系完全冇味。
总之一句讲晒，吾会再帮衬。
（仲有，吾好话自己宠物友善啦，餐厅得门口果张枱比狗仔泊车，又吾比人抱住狗仔，啲野食又难食。想知食环署几时话餐厅吾比宠物入去，咁其他餐厅又可以嘅？）
17 浏览
0 赞好
0 留言
张贴
