Noodies (已結業)

搜寻西环50蚊楼下时见到noodies排第二，立过下眼个餐牌选择几得意，于是就去左试下。去到再认真汤底、面底同配料，系几有新鲜感。但47蚊碗两𩠌面，其实你转下汤同面，已经起码60蚊。所以对呢碗面都有少少期望。落单时店员话咖哩捞面唔可以拣油面，因为会酸，所以就转左店员推荐既韩国拉面。点知呢碗面一上见到个样面知伏左，唔讲佢𩠌量有几少（三片薄扎肉、加6蚊旧切开左一半既八爪鱼饼），净系望个面都唔多吸引。卖相干憎憎，如果唔系见个碗边有少少咖哩汁，都唔知佢落左汁。一试，个面煮过龙，又干又淋又唔够味，小食部啲捞面都好食过佢。到喇沙汤底泥左，呢碗比较正常，因为佢标榜无味精，淡少少，加左辣椒粉同干蒜调味后好味啲。不过佢牛筋丸只系比两粒我。讲真，如果平平地食个面，我唔会有咩挑剔，但你咁有gimmick，又唔系平，但就比啲三十蚊碗面既质素同份量我，真系几失望。绝对无下次。题外话既然餐单上有多青走青既option，我觉得店铺就应该比啲诚意对待，因为就算叫多葱，份量依然几少下。