影片
更多
2019-04-14
122 浏览
之前系日本食过Okamase，一直好想再食返上个礼拜有朋友生日，决定要再食！星期二夜晚去到 泷，位置系兰桂坊附近，近地铁站泷 分别提供三款餐:天- $880泷- $1280极- $1480 我地都拣左 极套餐，有 头盘，前菜，汤，刺身，天妇罗，热食，日本和牛，面食，甜品，非常丰富！当日人流唔多，位置都坐得几舒服！ 头盘松叶蟹壳木鱼汤昆布啫喱蟹肉非常浓烈木鱼味，蟹肉非常新鲜，口感爽口。 前菜萤光鱿鱼配芥辣汁 鱼肝配酸酱 鹌鹑蛋酿海胆 日本番薯 组成嘅拼盘非常新鲜，鱼肝咸度适中摆盘相当精致，店员细心介绍由左开始嘅逆时针方向食。汤北海道小贝柱清汤系由北海道养殖场养嘅小贝炮制，味道一般。 刺身店员细心解释，全店用嘅海鲜都系每日下昼五六点新鲜运到，供应当晚晚餐，和第日午餐，确保食材新鲜。今次有九洲石立，平正，拖罗刺身，全部口感肥美，食落有浓烈嘅鱼油味，入口即溶。真系要比10个赞呀！！ 天妇罗天妇罗系呢间日本料理舖最出名嘅食物，今次厨师为我地准备左四款天妇罗。1 炸虾天妇罗-虽然系最常见嘅一款，但今次呢间做得非常出色。炸粉薄，唔油腻，炸虾口感非常弹牙。2日本沙追鱼天妇罗-味
之前系日本食过Okamase，一直好想再食返
上个礼拜有朋友生日，决定要再食！
星期二夜晚去到 泷，位置系兰桂坊附近，近地铁站
泷 分别提供三款餐:
天- $880
泷- $1280
极- $1480
我地都拣左 极套餐，有 头盘，前菜，汤，刺身，天妇罗，热食，日本和牛，面食，甜品，非常丰富！
当日人流唔多，位置都坐得几舒服！
头盘
松叶蟹壳木鱼汤昆布啫喱蟹肉
非常浓烈木鱼味，蟹肉非常新鲜，口感爽口。
前菜
萤光鱿鱼配芥辣汁 鱼肝配酸酱 鹌鹑蛋酿海胆 日本番薯 组成嘅拼盘
非常新鲜，鱼肝咸度适中
摆盘相当精致，店员细心介绍由左开始嘅逆时针方向食。
汤
北海道小贝柱清汤
系由北海道养殖场养嘅小贝炮制，味道一般。
刺身
店员细心解释，全店用嘅海鲜都系每日下昼五六点新鲜运到，供应当晚晚餐，和第日午餐，确
保食材新鲜。
今次有九洲石立，平正，拖罗刺身，全部口感肥美，食落有浓烈嘅鱼油味，入口即溶。真系要比10个赞呀！！
天妇罗
天妇罗系呢间日本料理舖最出名嘅食物，今次厨师为我地准备左四款天妇罗。
1 炸虾天妇罗-虽然系最常见嘅一款，但今次呢间做得非常出色。炸粉薄，唔油腻，炸虾口感非常弹牙。
2日本沙追鱼天妇罗-味道比较淡，但鱼质嫩滑！
3 半生熟带子天妇罗配三文鱼子- 虽然从来冇食过咁样嘅食法，但估唔到都几夹！
4 金雕鱼天妇罗虾汤- 汤底有甘辣味，金雕鱼连鱼鳞炸，非常松脆！第一次食天妇罗配汤，天妇罗喺汤入面仍然保持脆度！
热食
日本汁煮子持鱿鱼
子持鱿鱼系三四月当做，属于产卵鱿鱼。配上鱼卵食，口感黏软，非常特别！
日本和牛
非常期待依道菜！
慢煮牛肩配备长碳烤西冷 加熊本和牛
面食
厨师为我地准备左九州石斑拉面，系用纯鸡汤熬制曲面，面体遍硬，纯鸡汤味道浓郁。
甜品
厨师准备咗两款甜品
1 鹿儿岛安立芋配白兰地
第一次食呢种甜品，炸过嘅安立芋有啲似天妇罗口感，配上白兰地，有种法国甜品嘅味道。
2 日本水信圆饼
用冲绳黑糖同埋樱花制作而成，口味虽然过甜，但仍然食到樱花香味！
整体来讲，泷 服务一流，店员有耐性咁逐一介绍每道菜式。食材新鲜，食到好多出面食唔到嘅菜式！好开心今次可以喺呢度同朋友庆祝生日，下次一定会再嚟！
张贴
