龍城冰室

营业中

休息中

今晚去铜锣湾行街街，可能天气太热，想坐低饮杯冻饮，见到有间龙城冰室就在眼前，于是走入去饮番杯冻饮，点知被佢餐牌所吸引，最后决定食埋晚餐。🍴招牌铁板黑椒牛柳 （跟罗宋汤）两块超厚牛柳放在热辣辣的铁板上，令到牛柳表面微微焦香，入面重可以保持软嫰多汁，再配埋黑椒汁，令牛柳味道更香浓，增加口感层次，另外配上香滑焗薯，简直系绝配。罗宋汤够热，里面劲多料，而味道酸甜恰到好处。🍴焗蕃茄牛脷饭呢个牛脷饭够晒大份，牛脷有五大块，而且口感够晒软嫩和Q弹。焗烤过嘅蕃茄酱和芝士更加浓郁，酸酸甜甜，令到胃口大开。🍴芝士流心西多士呢个西多士极度邪恶，流心芝士系呢个西多士嘅关键，当用刀切开西多士𠮶阵，芝士蓉慢慢流出，再配以香甜糖桨，有多层丰富口感。🥤 杂果宾治呢杯杂果宾治够晒大杯，而且杂果份量好多，口感清新爽口，仲有七喜汽水嘅泡泡感觉，饮落简直透心凉。🥤 冻柠宾呢杯份量够晒大杯，整体感觉清新酸甜，而且够晒透心凉。