立体派拉麵 (棉登徑) (已結業)

呢几年香港兴起左拉面热潮，有唔少过江龙喺香港开店，不过品质就参差不齐，今日嚟到尖沙咀嘅立体派，会一会佢。一嚟就叫咗招牌嘅特级白汤，个碗就好大，好架势，唔知食落又点呢？先饮啖汤，唔算话得好浓，不过都几有胶质，面条弹牙，唔会过熟。再食叉烧，口感有啲似火腿，入味，不过切得薄身得滞。朋友就叫咗鲭鱼汤野菜海虾拉面，碗汤入边真系有好多唔同嘅菜，感觉同平时食开嘅拉面唔同，至于虾系冻上，用咗味淋高汤去熬制而成，食落都几弹牙。小食就叫左鸡软骨饺子同豚肉烧，饺子口感就几特别，入边啲鸡软骨系绞碎左，但都仲有𠮶种索索声嘅口感，几过瘾！豚肉烧感觉似系汤入边𠮶款叉烧嘅厚切版，如果叫小食，好似都系叫炸鸡或者靠自己好啲。除非你个碗面本身系冇叉烧㗎啦。总括嚟讲，立体派都系一间唔错嘅拉面店，大家经过可以去试吓。