IPC Foodlab (已結業)

坚道一带本来只有做街坊生意嘅食肆，而家喺新楼下面舖位竟然开咗 IPC Foodlab!被装修吸引入去，简单而新潮，餐牌设计精致，仲有大量有机饮食资料。餐单标榜有机，但汤接近一百大元，意粉过百，热盘过二百，选择少，无套餐，有机一定要贵吗？叫咗两个意粉，份量少预咗。素菜千层阔面只食到茄汁同芝士，另一意粉都系得片片芝士，有机都唔系冇啖好食啩？呢啲舖头做唔到街坊生意啦！苏豪客可能有兴趣，但坚道喺苏豪再上啲，呢度似乎又未至于吸引到人上多几层扶手电挮嚟㖞！不过见佢有货架，可能啲有机食材先系主打，餐厅搭单开啫...