The Coffeeology (已結業)

今年无得去旅行，剩咗劲多假，所以年尾就变咗清假嘅时候啦。难得平日放假，当然系去啲假日多人嘅cafe啦，呢间The Coffeeology我想去好耐㗎啦，吸引我嘅，唔系咖啡，系绿茶呀😍今次同朋友点咗个绿茶cheese cake、炖牛肉意粉同两杯Latte (一杯正常、一杯Oat milk)。个绿茶cheese cake真系坚好食，cheese味香浓带点淡淡嘅绿茶味，入口即溶😋如果个绿茶味再浓啲就更好啦！绿茶味唔啱嘅话，仲有芝麻味可以选择。个炖牛肉意粉肉质软嫩，配上芝士碎、茄酱，好惹味！今次个Latte试下转咗Oat milk(需另加$5)，Oat milk其实几健康㗎，一样有牛奶嘅营养同维他命，但就有一种可溶性纤维 β-葡聚糖 (Beta Glucan) 可以降低坏胆固醇嘅水平，亦都非常适合对奶制品有敏感嘅人同纯素者饮用。虽然系健康啲，但我都系比较钟意牛奶味多啲🐮🤪