宏 (已搬遷) 新店位置

「宏」除左绿茶甜品之外，主食都有好多选择。套餐比散叫划算。因为套餐附送细蛋卷和饮品，有主食又有甜品，大满足。大鳗鱼饭套餐（$180）鳗鱼烧得几香，饭粒分明；海藻乌冬有丰富食物纤维，健康食物黎架。牛肉寿喜烧套餐（$99）唔洗$100有sukiyaki牛肉锅，难怪每晚限量供应，配日本米及日本鸡蛋，好和风。牛肉点生鸡蛋，好味道。跟餐餐饮系斯里兰卡锡兰红茶，有茶香，味道又唔会过浓。套餐仲有细抹茶蛋卷及芝麻卷：蛋糕有淡淡绿茶香，蛋糕面撒上绿茶粉，口感湿润；芝麻卷口感亦然，唔会干干的。优惠价加左个抹茶软雪糕芭菲（$61）雪糕抹茶味浓，仲可以一次食到抹茶蕨饼、红豆及白玉！