影片
更多
2019-11-12
680 浏览
荃湾大鸿辉中心入面有唔少放题、火锅店，每到晚饭时间就见到啲人大排长龙等䢂，门口又有唔少食店姐姐派传单，有时想潜入去入面地下间惠康买嘢都唔系咁易🙃如果唔想等太耐都未有得食(或连䢂门都未见到)，早啲去系会好好多，好多餐厅晚市第一轮5:00就开始。又或者可以试下扶手电梯直达果三层食肆，好似今次介绍嘅缘聚鲜锅。缘聚鲜锅虽然系校长烧肉集团嘅，但无论佢个名、佢英文名Grand Together 、佢个招牌字型设计都贯彻一种好娘嘅感觉⋯不过都唔大问题嘅，始终啲嘢食系点先最重要。佢同校长烧肉嘅共通点系同一时段有多种放题选项俾你拣，佢分成A-E款，你可以拣斋火锅，或者加埋甜品、刺身、就算最豪华嘅连特级牛肩胛骨都唔算贵。不过拎嘢食时要留意返自己拣嘅放题包咩，边啲区唔拎得，都有啲麻烦😅入去时姐姐会叫你拣汤底同放题款式，我拣左风味麻辣汤底，放题款式我就拣左就包刺身。个汤底落左好多花椒，虽然系够味但好辣，如果唔系咁食得辣建议拣第二款，宁愿自己落辣油提味。火锅料嘅选择都算多，净系丸类同蔬菜已经好多款，仲有纸仔俾你点，例如鱼皮饺、蚬、扇贝、天妇罗⋯⋯味道方面，蚬同扇贝都算新鲜、天妇罗就几厚炸粉，其他火锅料同一般差唔
如果唔想等太耐都未有得食(或连䢂门都未见到)，早啲去系会好好多，好多餐厅晚市第一轮5:00就开始。又或者可以试下扶手电梯直达果三层食肆，好似今次介绍嘅缘聚鲜锅。
缘聚鲜锅虽然系校长烧肉集团嘅，但无论佢个名、佢英文名Grand Together 、佢个招牌字型设计都贯彻一种好娘嘅感觉⋯不过都唔大问题嘅，始终啲嘢食系点先最重要。
佢同校长烧肉嘅共通点系同一时段有多种放题选项俾你拣，佢分成A-E款，你可以拣斋火锅，或者加埋甜品、刺身、就算最豪华嘅连特级牛肩胛骨都唔算贵。不过拎嘢食时要留意返自己拣嘅放题包咩，边啲区唔拎得，都有啲麻烦😅
入去时姐姐会叫你拣汤底同放题款式，我拣左风味麻辣汤底，放题款式我就拣左就包刺身。
个汤底落左好多花椒，虽然系够味但好辣，如果唔系咁食得辣建议拣第二款，宁愿自己落辣油提味。
火锅料嘅选择都算多，净系丸类同蔬菜已经好多款，仲有纸仔俾你点，例如鱼皮饺、蚬、扇贝、天妇罗⋯⋯味道方面，蚬同扇贝都算新鲜、天妇罗就几厚炸粉，其他火锅料同一般差唔多，冇乜点佢嘅熟食、甜品亦不太吸引所以冇试。
可能因为太多类型嘅火锅店，感觉一般，唔会特别想再黎食😅
觉得较特别系佢可以自冲花茶，可以拣嘅茶叶、花都好多，冲好一壶返位可以慢慢饮，唔驶成日要出黎斟😉
张贴
